Наскоро, од печат ќе излезе првата Антологија на Караманови средби со наслов „ПЕТТО КАЛЕНДАРСКО ВРЕМЕ„

Наскоро, од печат ќе излезе првата Антологија на Караманови средби со наслов „ПЕТТО КАЛЕНДАРСКО ВРЕМЕ„.

Приредувач на оваа значајна книжевна објава е писателот Борче Панов. Во антологијата се застапени 33 значајни македонски автори, како и 28 странски најактуелни поети денес во светот, коишто прифатија во ова време на пандемија да учествуваат на Караманови средби.

Помеѓу сите овие поети застапени се и овогодинашните лауреати – носители на: наградата „Караманов 2020„ за најдобра необјавена книга од македонски автор, која ја доби истакнатата македонска писателка и книжевен теоретичар – Кристина Николовска за поетскиот ракопис „РАЗДЕН„, како и еминенентите поети Маи Ван Фан од Виетнам и Раед Анис Ал – Јиши од Саудиска Арабија кои се носители на интернационалната награда за поезија „Ацо Караманов„

Центарот за култура Ацо Караманов Радовиш е издавач на оваа антологија, како и на наградената книга Разден, но и на заедничката книга на Маи Ван Фан и Раед Ал – Јиши под насловите МАИ ВАН ФАН – Новогодишно бањање и РАЕД АНИС АЛ ЈИШИ – Зачуден барут.

Препевот на поезијата од двајцата поети во оваа книга од англиски на македонски јазик го направи писателката проф Д-р Даниела Андоновска Трајковска, која, воедно е и автор на поголемиот дел од препевите на застапените поети од странство од англиски јазик на македонски јазик.