Нермина Омербеговиќ, родена 1964 година во Сараево, е босанска новинарка и поетеса. Работи како новинар во Федералната новинска агенција на БиХ (ФЕНА БиХ). Објавувала поезија и книжевна критика во весниците и списанијата Balcanis, ProFemina, LeteR International, Life, Faces, Apocalypse, Tide и Secession… Досега ги има објавено збирките поезија „Растење“ (Друштво на писатели на БиХ, 1996 година), „Повикување на допирот“ (Синопсис, 2006) и „Разговори за Лилит“ (Публикации ШУРА, 2015 година. Опатија).

ФАНТАЗИИ

Некогаш мислев дека сериозните поетеси

завршуваат со главата во рерна како Силвија Плат

Којзнае зошто тоа било привлечно и романтично.

Или да прошетаат до реката како Вирџинија Вулф.

Замислував како  во широк фустан

со напишаните песни лебдам.

Понекогаш пак повторно размислував

Дека е нормално

да ѝ се случи туберкулоза на поетесата

како на  Емили Бронте.

Денеска размислувам за тоа

Како греачите во мојата рерна не работат.

Како реката

до која живеам

не е романтична

и како од туберкулоза

дури и деца  умираат некаде.

Поезијата

е се помалку романтична денес.

Препев на македонски: Борче Панов